असार १४,सिरहा । सम्मृद्धीको आधार कृषि, उद्योग,पर्यटन भन्ने नाराका साथ जिल्ला उद्योग बाणिज्य संघ सिरहाको ३३ औँ बार्षिक साधारणसभा एवंम अधिवेशन सुरु भएको छ । संघका अध्यक्ष अशोकलाल अमात्यको अध्यक्षतामा भएको कार्यक्रममा मधेस प्रदेशका अर्थमन्त्री शैलेन्द्र प्रसाद साहले सभा उद्धघाटन गरेका थिए ।
लहानमा जारी सधारणसभालाई सम्बोधन गर्दै उद्योग बाणिज्य महासंघका केन्द्रिय सदस्य तथा कृषि उद्यम केन्द्रका सभापति अरुणराज सुमार्गीले सधारणसभाको सफलताको शुभकामना व्यक्त गरे । उनले आफुले कृषि उद्यम केन्द्रको सभापतिको रुपमा उद्योग बाणिज्य महासंघ मार्फत विभिन्न कार्यक्रम अघि बढाइरहेका बताउदै कृषि नै मुलकको सम्मृद्धीको आधार भएको बताए ।
उनले मधेश प्रदेश सरकारसंग मिलेर सय किसान अभियानलाई थप व्यवस्थित बनाउने र मधेसका खाली जमिनमा व्यवसायिक कृषिको आयाम ल्याउन आफु निरन्तर लागिरहेको बताए । सभापति सुमार्गीले पमधेसमा आप,केरा लगायतका फलफुलको थप व्यवसायिक उत्पादन गर्न सबै मिलेर अघि बढ्नुपर्ने धारणा व्यक्त गरे ।
